"Барселона" жамоасининг бразилиялик ҳимоячиси Дани Алвес жамоа билан шартномасини узайтирди.
 
Янги икки йиллик шартномага кўра у жамоада яна 2 мавсум ўтказиб, 2017 йилнинг 30 июнигача "Барселона" аъзоси ҳисобланади.
 
Хабарда айтилишича, унинг ўйинига қараб, бу шартнома муддатига яна бир йил қўшилиши мумкин.
 
Эслатиб ўтамиз, 2015 йилнинг бошидан бери Дани Алвес ўзига раҳбарият томонидан етарли эътибор бўлмаётганидан шикоят қилиб келмоқда эди ва унинг ёзги трансферлар вақтида "ПСЖ" ёки АПЛ жамоларидан бирига ўтиши кутилаётганди.
 
Маълумот учун, Алвес 2008 йилда "Севил`я" сафидан "кўк-анорранглилар" сафига келиб қўшилганди. У шу вақтгача Каталонияда 5 марта Испания чемпионлиги ҳамда 3 мартадан Испания ва ЕЧЛ кубогини қўлга киритган.