АҚШнинг патентлар ва савдо белгилари бўйича бошқармаси (USPTO) Google компаниясига №9,047,512 рақамли Contact Lenses патентини берди.

Таъкидланишича, янги турдаги линзаларга кўзнинг рангдор пардаси сканери ўрнатилган. Уйғунлашган сенсорлар парда тушаётган ёруғликни қандай акс эттираётгани ҳақида ахборот тўплайди. Бу кўзнинг рақамли портретини шакллантириш ва уни идентификатор сифатида қўллаш учун керак.

Линзалар бир қанча қатламлардан иборат. Биринчи қатламда сенсорлар, иккинчисида эса микроконтроллёр жойлашади. Контакт линзалар ўзининг асосий вазифаси – кўз нурини тиклаш ишини ҳам бажара олади.

Патент учун мурожаатнома 2014 йил 13 июнда киритилган эди. Компаниянинг ушбу кашфиётни амалга қандай татбиқ этиши борасидаги режалари ошкор этилмаяпти.