Каталониянинг «Барселона» ва Аргентина терма жамоаси ҳужумчиси Лионель Месси замонавий футболчилар ичида энг қимматбаҳоси дея эътироф этилди. Бу ҳақда Спорт тадқиқотлари маркази (CIES Football Observatory) нашри берган пресс-релизда қайд қилиб ўтилган.

CIES таҳлилчилари берган маълумотларга кўра, Мессининг трансфер баҳоси 255,3 млн. евродан 280,8 млн. еврогача бўлган қийматни ташкил этади.

Рейтингда иккинчи ўринда Англиянинг «Челси» клуби яримҳимоячиси Эден Азар қайд этилган. Унинг трансфер баҳоси €135,4 млн.дан €148,9 млн. ўртасида баҳоланмоқда. Кучли учликни Мадрдининг «Реал» клуби ҳужумчиси Криштиану Роналду банд этган — €113,3 млн-€ 124,7 млн.

Тадқиқотчилар томонидан тузиб чиқилган рейтингнинг кучли ўнлигига шунингдек қуйидаги футболчилар киритилган: Неймар (€89,6 — €98,5 млн), Серхио Агуэро (€78,2 — €86,0), Раҳим Стерлинг (€73,7 — €81,0), Поль Погба (€70,3 — €77,3), Диего Коста (€69,9 — €76,9), Алексис Санчес (€67,8 — €74,6) ва Хамес Родригес (€62,5— €68,8).