Халқаро атом энергияси агентлиги (МАГАТЭ) Қозоғистон ҳудудида уран банкини ташкил қилиш бўйича шартномани тайёрлади. Компания бош директори Юкия Аманонинг сўзларига қараганда, қўшимча тарзда Россия билан уран транзити борасида келишув ҳам имзоланади.

Илгарироқ Қозоғистон ҳукумати Халқаро атом энергияси агентлиги (МАГАТЭ) билан республика ҳудудида кам бойитилган уран банкини ташкил қилиш бўйича келишув лойиҳасини маъқуллагани ҳақида маълумот берилган эди.

Қозоғистон 2010 йилда халқаро кам бойитилган уран банки депозитарийлигига номзодини кўрсатган эди. Қоидага кўра, у ерда хом ашёнинг кичик миқдори сақланиши керак, шунингдек, банк ядровий қуролга эга бўлмаган давлат ҳудудида жойлашиши талаб қилинади. Депозитарийга ҳар қандай давлат мурожаат қилиб, ўз атом электр станциялари учун ёқилғи олиши мумкин бўлади.

Тахминларга кўра, янги банк мамлакат шарқидаги Ульбинск металлургия заводи негизида ташкил қилиниши мумкин. У айни пайтда ядровий материаллар ва нодир рангли металлар экспорти бўйича миллий оператор ҳисобланади.