Айни кунларда Ўзбекистон ЯИМнинг 9 фоизидан кўпроқ транспорт секторига йўналтирилган. Бу маълумот транспорт ва логистика бўйича халқаро конференция давомида келтириб ўтилди.

Транспорт йўлларини кенгайтириш сиёсати халқаро транспорт йўналишларининг кенгайиши ва диверсификациясига олиб келди. Жорий йилнинг биринчи чорагида мамлакатнинг ташқи савдо айланмаси 6.8 млрд долларни ташкил қилди, яъни ўтган йилнинг шу даврига нисбатан 5.5 фоизга ўсиш кузатилди. Шу жумладан, экспорт ҳажми 3.5 млрд долларни ташкил қилиб, 13.9 фоизга ошди; импорт ҳажми 3.3 млрд долларни ташкил қилиб, 2 фоизга ошди. Ташқи савдо айланмасининг ижобий сальдоси 168 млн долларни ташкил қилди.

Россия Ўзбекистоннинг асосий савдо ҳамкори бўлиб қолмоқда. Унинг товар айланмасидаги умумий улуши 24.5 фоизни ташкил қилади. Бундан ташқари, Хитой (12 фоиз), Қозоғистон (6.1 фоиз) ва Жанубий Корея (5.2 фоиз) асосий ҳамкорлар сирасига киради.