Ўзбекистондан валюта олиб чиқиш тартиби ўзгартирилди

Ўзбекистон 09 Июнь 2015 14846

Марказий банк бошқарувининг қарори билан регуляторнинг жисмоний шахслар томонидан Ўзбекистон ҳудудидан чет эл валютаси олиб чиқилишига рухсатнома бериш тартиби тўғрисидаги янги Низом тасдиқланди. Бундан буён 2003 йили қабул қилинган Низом кучини йўқотган деб ҳисобланади.
2 минг доллар эквивалентига тенг миқдордаги чет эл валютасини мамлакат ташқарисига рухсатсиз олиб чиқиш мумкин. Бундан ортиқ суммани – Марказий банк ёки масъул банклар рухсати билан, 5 минг доллардан зиёд суммани – фақат Марказий банк рухсати билан олиб чиқиш мумкин.

Аниқланишича, рухсатнома Вазирлар Маҳкамаси фармойиши билан чет элга чиқаётган ҳукумат делегациялари таркибида, доимий яшаш мақсадида, командировкага, ўқиш мақсадида, туризм, даволаниш, қариндошларни кўриш, спорт мусобақалари ва ҳ.к.лар учун чиқаётган шахсларга тақдим этилади.

Бундай рухсатномани олиш учун жисмоний шахслар Марказий банкка қуйидаги ҳужжатларни тақдим этиши керак:
- белгиланган шакл бўйича мурожаатнома, унда исм-шариф, паспорт маълумотлари, давлат ва шаҳар номи, чет эл валютасининг шакли ва ҳажми, чет элга чиқиш мақсади ва муддатлари кўрсатилган бўлиши керак – илгариги низомда аниқ шакл белгилаб берилмаган эди;
- паспорт нусхаси, унда қуйидаги маълумотлар акс этиши керак: серия, рақам ва берилган вақти; паспортни берган орган; Ўзбекистон Республикаси ҳудудидан чиқиш ҳуқуқини берувчи муҳр (агар талаб қилинса); чет эл давлатига кириш визаси (агар виза тартиби жорий қилинган бўлса); Ўзбекистон Республикасида доимий рўйхатдан ўтганлик ҳақидаги муҳр;
- Ўзбекистон Республикаси ҳудудидан чиқиш ҳуқуқини берувчи рухсатнома нусхаси (агар талаб қилинса) – илгариги Низомда бундай ҳужжат рўйхатдан ўрин олмаган эди;
- нақд хорижий валютасининг манбасини тасдиқловчи ҳужжатлар нусхаси;
- ҳукумат делегацияси таркибида чиқаётган шахслар учун – Вазирлар Маҳкамаси фармойишидан нусха;
- чет элга чиқиш мақсадини тасдиқловчи бошқа ҳужжатлар.
Мурожаатнома келиб тушганидан бошлаб 10 кун ичида кўриб чиқилиб, унга жавоб берилади, яъни мурожаат этувчига рухсат берилади ёки, аксинча, мурожаат қайтариб юборилади. Эски Низомга мувофиқ, кўрсатилган муддатда мурожаатнома фақатгина кўриб чиқилиши талаб этилар эди.
Банк томонидан рухсат берилиши учун асос бўлиб Низомда кўрсатилган мақсадларда чет элга чиқиш ва барча сўралган ҳужжатларни тақдим этиш хизмат қилади. Бу асослардан бирортаси бажарилмаган тақдирда, рухсатнома тақдим этилмайди.

Кун янгиликлари
Абитуриент ҳикояси: “Мен ўқув маркази томонидан алдандим”
10:34 22286 Lifestyle
Ногиронлик ва мазлумлик исканжасида: бир аёл яхшилар саховатидан умидвор 
15:55 / 18.08.2017 40368 Жамият
Судьянинг нохолислиги ёки давлат телеканалининг “шохи” борми?
19:21 / 17.08.2017 153636 Жамият
Кун.uz офис изламоқда
15:48 / 06.08.2017 43838 Lifestyle
Тадбиркорлар Ҳикмат Абдураҳманов ва Азиза Умарова билан суҳбат: Хитой, омадсиз авиакасса ва вазирликдаги ишдан кетиш
20:24 20 Lifestyle
Интернетда хитойлик ва ҳиндистонлик аскарлар ўртасидаги оммавий муштлашув видеоси пайдо бўлди
20:15 1285 Жаҳон
Сурхондарё ҳокими: Одамларни мажбурлаб пахтага олиб чиқиш — ноинсофлик!
Жанубий Кореяга АҚШ армияси бош қўмондони келди
19:43 807 Жаҳон
Эркинжон Турдимов: “Сурхондарёда етиштирилаётган пахта 100 фоиз шу ерда қайта ишланади”
Сурхондарё вилоят ҳокими: Ғалладан бўшаган 100 фоиз майдонда такрорий экинлар экилган
19:23 1353 Жамият
Кўпроқ янгиликлар