Мадриднинг «Реал» клуби 2015/2016 йилги мавсумга тайёргарлик доирасида бир қатор ўртоқлик учрашувларини ўтказади.

Клубнинг «Инстаграм»даги расмий саҳифасида жамоанинг мавсумлар оралиғидаги турнелари тақвими эълон қилинди. Унга кўра, жамоа ёз давомида Австралия, Хитой ва Германияга сафар уюштиради.

Австралиянинг Мельбурн шаҳрида бўлиб ўтадиган International Champions Cup in Australia турнирида мадридликлар 18 июль куни Италиянинг «Рома», 24 июль куни эса Англиянинг «Манчестер Сити», клубига қарши учрашув ўтказади. Иккинчи турне доирасида Хитойда ташкиллаштириладиган International Champions Cup in China клублар мусобақасида 27 июль куни Миланнинг «Интер», 30 июль куни эса «Милан» жамоаси билан куч синашади.

Мавсумолди сўнгги тайёргарлик доирасида эса жамоа «Ауди» кубогида иштирок этади. 4 август куни «Тоттенҳэм» билан натижага қараб, 5 август куни «Бавария» ёки «Милан» жамоаларидан бири билан рўбару келишлари мумкин бўлади.