Тошкентда Samsung сервис академияси ташкил этилади. Бу ҳақда соҳа мутахассислари иштирокида ўтказилган давра суҳбатида маълум қилинди.
Минтақада сервис академиялари тармоғининг ташкил этилиши ташаббуси Samsung ElectronicsCentral Eurasia’га тегишли. Унинг минтақавий офиси Олма-Ота шаҳрида жойлашган. Сервис академиялари яратиш бўйича дастлабки лойиҳа 2015 йилнинг мартида айнан ўша шаҳарда амалга оширила бошланди. У университет даражасига ва инновацион мақомга эга бўлади.

Samsung ElectronicsCentral Eurasia Тошкент ахборот технологиялар касб-ҳунар коллежи билан ҳамкорликда комплексни жиҳозлаш, янги ўқув модулларини ишлаб чиқиш ва жорий қилиш ишларини амалга оширади.
Коллеж икки мутахассислик бўйича мутахассислар тайёрлашни бошлайди: Samsung мобил ускуналари ва рақамли телевизорларини таъмирлаш ва хизмат кўрсатиш.