АҚШ 1975 йилдан буён биринчи марта дунёнинг энг йирик нефть ишлаб чиқарувчи давлатига айланди. Нефть ҳажми бўйича у Россия ва Саудия Арабистонидан ўтиб кетди, деб хабар берилади Statistical Review of World Energy 2015 ҳисоботида.
Ҳисоботни тайёрлаган ВР компанияси мутахассисларининг фикрича, АҚШдаги сланец инқилоби бу ютуқларнинг асосий сабабчисидир. 2014 йили мамлакатда нефть ишлаб чиқариш 1.6 млн баррелга кўпайиб, кунига 11.64 млн баррелни ташкил қилди. Ўтган йили Саудия 11.5 млн, Россия эса 10.8 млн баррель қазиб олаётган эди.
2013 йили рейтингда биринчи ўринда Саудия Арабистони турган эди. Уни Россия ва АҚШ таъқиб қилиб бораётган эди.