АҚШ Ироққа "ИШИД"га қарши курашда хизмат қилиши учун юзлаб ҳарбий маслаҳатчиларини юборишга ҳозирлик кўрмоқда. Бу ҳақда The Wall Street Journal нашри хабар берган.
 
Хабарда айтилишича, АҚШ президенти Барак Обама Ироққа 500 нафарга яқин ҳарбий маслаҳатчи жўнатишни режалаштирган.
 
Бу ҳарбийлар Ироқ армиясига Анвар вилоятидаги жангариларга қарши курашларда ёрдам бериши кўзда тутилган.
 
Маълумот учун, АҚШ охирги марта 2014 йилнинг ноябрида Ироққа 1500 нафар ҳарбий жўнатганди. Айни вақтда Ироқ ҳудудида 3080 нафар америкалик аскар ва ҳарбий маслаҳатчилар жойлаштирилган.