Буюк Британиянинг энг кекса вакили Назар Сингх ўзининг 111 йиллик таваллуд аёмини нишонлади, деб хабар бермоқда The Daily Mirror нашри. Сингх 1904 йил 8 июнда Ҳиндистонда таваллуд топган, 1965 йилда Англияга кўчиб ўтган. Британиялик қария кўп ухлайди, соғлом турмуш тарзи кечиради ва баъзида ўзининг севимли вискисидан истеъмол қилиб туради.

Сингхнинг 9 нафар фарзанди, 34 нафар невараси ва 64 нафар эвараси бор. Узоқ умр кўрувчи кекса 70 йил давомида ўз рафиқаси билан бахтли умр кечирган. Бироқ унинг рафиқаси Наражан Каур 12 йил аввал вафот этган. Британиялик ҳеч қачон бошидан ҳеч қандай жарроҳлик амалиётини ўтказмаган, унинг эшитиш қобилияти ҳали ҳам жуда яхши даражада сақланиб қолган.

Жорий йилнинг бошида Сингх Ҳиндистонга ўз оиласи бағрига қайтиб борди, ҳозирда у ҳақда икки нафар тўнғич ўғли ва келинлари қайғурмоқда.

Ҳозирда дунёдаги энг кекса одам АҚШда истиқомат қилувчи 116 ёшли Жералин Тэлли ҳисобланади.