Украинанинг Киев вилоятида жойлашган нефть базаси ҳудудида бешта резервуар ёнишда давом этмоқда. Бу ҳақда Украина фавқулодда вазиятлар бўйича давлат хизмати раҳбари Николай Чечеткинга иқтибос келтирган ҳолда “Интерфакс” ахборот агентлиги хабар бермоқда.

“Биз ёнғинни кўпик билан ўчиришга ҳаракат қилдик, натижада 800 куб метрлик битта резервуарни ўчиришга муваффақ бўлдик, тушликдан кейин навбатдаги кўпикли ҳужумни амалга оширишга тайёргарлик кўрмоқдамиз”, деб айтмоқда Чечеткин.

Чечеткиннинг айтишича, бундан ташқари ёнғинни ўчириш пайтида Мудофаа вазирлигининг ўт ўчириш танкидан фойдаланилган.

Аввалроқ икки кундан бери ёнғин ичида қолган нефть базасида портлаш содир бўлгани маълум қилинган эди.