Лондоннинг “Челси” клуби бош мураббийи Жозе Моуриньо ҳеч қачон клуб дарвозабони Петр Чехни “Арсенал”га қўйиб юбормаган бўлишини маълум қилди. Шунингдек, Моуринью ушбу масала бўйича клуб раҳбариятининг исталган қарорига рози бўлишини айтди.

“Биласиз, менинг Чех ҳақидаги фикрим ҳеч қандай аҳамият касб этмайди, чунки клубнинг ўз эгаси бор ва у қарор қабул қилади. Мен Абрамовичга тасанно айтаман ва уни жуда ҳурмат қиламан. У ҳам ўз навбатида клубга кўп нарса қилаётганларни ҳурмат қилади. Ўтган мавсумгача Чехда “Челси” билан 10 йиллик муваффақият бор эди. 10 йил давомида у клубга ғалабалар олиб келди.

Шунинг учун мен клуб эгаси қабул қилган қарорга рози бўлишимга тўғри келади. Менга қолса Чехни “Арсенал”га бермаган бўлардим. Бироқ раҳбарият бошқа қарор қабул қилса, мен бунга рози бўламан”, деб айтди Моуриньо.