Навоийда атроф-муҳитни муҳофаза қилишга бағишланган экофестиваль бўлиб ўтди

Ёшларда табиатни асраш, атроф-муҳитга эҳтиёткорона муносабатда бўлиш, табиий бойликлардан оқилона фойдаланиш каби экологик маданиятни юксалтириш мақсадида ташкил этилган тадбирда табиатни муҳофаза қилиш муассасалари вакиллари, маҳаллалар фаоллари, талаба ва ўқувчи ёшлар иштирок этди. 

Фестиваль доирасида табиат манзаралари, ноёб ўсимлик ва ҳайвонот олами, атроф-муҳит муҳофазаси ва экологик муаммоларни бартараф этишга оид кўргазма ташкил этилди.