Қозоғистон президенти Нурсултон Назарбоев Остонада бўлиб ўтаётган жаҳон ва анъанавий динлар етакчиларининг бешинчи съездидаги чиқишида барча динларнинг умумий жиҳатларини топишга ҳаракат қилиб, жараёнда ҳинд диний китоблари мажмуаси бўлмиш Упанишаддан иқтибос келтирди.
У барча динлар босиқликка, бағрикенгликка, куч ишлатмаслик ва муросага чақиришини таъкидлаб ўтди:
“Инсонни ўлдириш инсониятни ўлдириш билан баробардир, дейилади муқаддас Қуръонда. Янги Аҳдда ҳам шундай чақириқлар бор. Қадимги ҳинд Упанишадлари ҳам инсонларни ўз хатти-ҳаракатлари учун жавобгарликка чақиради. Ўт узиб олинганда бутун дунё сапчиб тушади, дейилади унда. Ҳақиқий иймон инсонларни муҳаббатга, ҳамдардликка ва эзгуликка ундайди”, – таъкидлаб ўтди мамлакат етакчиси.