Россиянинг Новосибир ўлкаси Олтой водийсидаги якка тадбиркор Амадин ва корелла туридаги 800та дона тўтиқушларни Ўзбекистондан олиб келди. Бу ҳақда маҳаллий қишлоқ хўжалиги назорати бўлими матбуот хизмати хабар тарқатмоқда.

«Росселхознадзорнинг Новосибир бўлими ходимлари «Толмачево» аэропортида ушбу қушларни ветеринар кўригидан ўтказишди ва уларни Божхона Иттифоқининг ветеринария талабларига мос келишини тасдиқлашди», дейилади ташкилот ахборотида.