Оқ уйнинг собиқ бош котибларидан бири Роберт Гиббс McDonald's  компаниясида жамоатчилик билан алоқалар бўлими бошлиғи сифатида иш бошлади. Бу ҳақда Ассошейтед Пресс нашри хабар берган.

Унга компания ресторанларининг имижини яхшилаш ва жамоатчилик билан алоқалар соҳасида иш олиб бориш вазифаси юклатилган.

Маълумот учун, Гиббс Оқ уйда Барак Обаманинг биринчи президентлик даврида матбуот котиби сифатида ишлаган, ундан олдинроқ унинг сайловолди кампаниясига бошчилик қилганди.