9 июнь куни Финляндия президенти Саули Ниинистё V дунё ва анъанавий динлар съездида иштирок этиш учун Қозоғистонга етиб келди ҳамда Қозоғистон президенти Нурсултон Назарбоев билан учрашди. Бу ҳақда Оқўрда матбуот хизмати хабар бермоқда.

Учрашув чоғида томонлар икки томонлама ҳамкорликнинг, хусусан савдо-иқтисодий, инвестицион ва маданий-гуманитар соҳадаги асосий масалаларни муҳокама қилишди.

Бундан ташқари, давлатлар раҳбарлари халқаро кун тартибидаги долзарб масалалар бўйича фикр алмашдилар. Назарбоев Ниинистёгша V дунё ва анъанавий динлар съездида иштирок этаётгани учун миннатдорчилик билдирди.

Назарбоев, шунингдек, давлатлараро муносабатларнинг муваффақиятли ривожланаётганига эътиборни қаратди ҳамда 2013 йилда Финляндия президентининг Қозоғистонга ташрифи иқтисодиёт ва бошқа устувор соҳаларда ҳамкорликнинг фаоллашишига туртки берганини таъкидлаб ўтди.

Ўз навбатида, С.Ниинистё ҳам Қозоғистон президентига ўз миннатдорчилигини билдирди ва икки томонлама алоқаларни мустаҳкамлашнинг муҳимлигини таъкидлаб ўтди.