Британиялик заргар ва Gemporia бренди асосчиси Стив Беннетт GPS-тизимига эга никоҳ узуклари яратди. Бу ҳақда The Daily Mail нашри хабар бермоқда. Узук “садоқат узуги” деб номланди.

Дизайнернинг ғояси бўйича, узукка ўрнатилган кичик ўлчамдаги чипнинг асосий вазифаси узукни ўғирлаб кетилиши ёки йўқолиб қолишдан сақлаш иборат бўлади. Бироқ узук муаллифи бу узукнинг ўзининг иккинчи ярмининг қаердалигини доим билишни истовчи рашкчи умр йўлдошлар учун ҳам асқотиши мумкинлигини айтмоқда.

Беннетт трекинг тизимига эга узукни икки вариантда: классик кўринишдаги “малика” ишловига эга шаффоф олмос ва “маркиз” ишловига эга бинафшаранг олмос билан ишлаб чиқди.

Дизайнер келгусида ҳам кузатув тизимига эга заргарлик буюмлари яратишда давом этишини маълум қилди. Беннетт яқин орада ота-оналарга ўз фарзандлари қаердалигини билиш имконини берадиган тақинчоқлар ишлаб чиқаришни режалаштирмоқда.