2018 йилги Жаҳон чемпионатини Россиядан Қатарга кўчиришдан иборат захира режасининг ишлаб чиқилгани тўғрисида тарқатилган ахборот ҳақиқатга мос келмайди. Бу ҳақда ФИФА расмийлар ТАСС агентлигига маълумот берди.
Чоршанба куни Испаниянинг As нашри мундиалнинг тезкор тартибда Қатарга кўчирилиши мумкинлиги ҳақида ёзган эди. Бу ахборот бошқа нашрларда ҳам такрорланди. Аммо ФИФА матбуот хизмати бундай гап-сўзларни инкор қилди.
2018 йилги Жаҳон чемпионати ўйинлари 14 июндан 15 июлга қадар Россиянинг 11 шаҳрида (Москва, Санкт-Петербург, Қозон, Нижний Новгород, Саранск, Калининград, Волгоград, Екатеринбург, Самара, Сочи ва Ростов-на-Дону) жойлашган 12 стадионда ўтказилади.