"ПСЖ" клуби "Ювентус"нинг аргентиналик ҳужумчиси Карлос Тевес учун курашга қўшилди.

Goal.com нашри тарқатган маълумотларга кўра, французлар 31 ёшли ҳужумчига таклиф қилаётган шартномада унинг маоши 8,5 млн евро этиб кўрсатилган. (бонуслар билан – 9 млн евро).

Бироз олдин Тевесни "Атлетико" ва "Ливерпуль" ҳам сотиб олмоқчилиги ҳақида хабарлар тарқалган эди.

"Ювентус" яқин кунлар ичида Тевеснинг жавобини билмоқчи. Унинг туринликлар билан шартномаси 2016 йилнинг ёзигача тузилган.