2015 йил бошидан бери АҚШ полициячилари томонидан ўлдирилган одамлар сони 500 кишига етди. Бу ҳақда Guardian нашри ўз текширувлари якунларига кўра маълумот берди.

Нашрнинг фикрича, йил охирига қадар бу сон 1 000 кишини ташкил қилиши мумкин.

Ҳалок бўлганларнинг 49.6 фоизи оқ танлилар, 28.2 фоизи афроамерикаликлар, 14.8 фоизи Лотин Америкаси вакиллари бўлган. Улардан фақат 21 фоизи қуролга эга бўлган. Ўлдирилганларнинг кўпчилиги – 95.2 фоизи эркаклардир.

Эслатиб ўтамиз, май ойининг охирида The Washington Post газетаси полициячилар томонидан турли операциялар жараёнида 385 киши отиб ташланганини маълум қилган эди. Бунда фақат ўқ отар қурол билан ўлдирилган одамлар ҳисобга олинган эди.

Ушбу 385 ҳолатлардан фақат 3тасида полициячилар жиноий жавобгарликка тортилган. Умуман олганда, охирги 10 йил ичида АҚШ полицияси томонидан минглаб маротаба ўт очилган бўлиб, 54 ҳолатларда айбловлар илгари сурилган.