АҚШнинг собиқ давлат котиби, президентликка номзодлардан бири Ҳиллари Клинтон Instagram ижтимоий тармоғида ўз саҳифасини очди. Унинг фотоблогига бир суткада деярли 77 минг киши обуна бўлди.
Ўзи ҳақидаги маълумотлар сатрига Клинтон хоним қуйидагини киритди: “Ҳамма нарсадан ташқари, ўта меҳрибон бува”. Шунингдек, у ўз сайловолда кампанияси сайтига йўлланма берди.

Ҳозирча унинг тармоқдаги саҳифасида учта фотосурат жойлаштирилди. Улардан бирида қизил, оқ ва кўк рангдаги иш костюмлари турган илгак қайд қилинган. Суратга “Қийин танлов” изоғи берилган.
Илгарироқ Instagram’да Германия канцлери Ангела Меркель рўйхатдан ўтганди. Унинг саҳифасига бир суткада бор-йўғи 2.4 минг киши обуна бўлган эди. Кейинчалик обуначилар сони 43 минг кишидан ошиб кетди. Саҳифада Германия етакчиси 62та расм жойлаштириб улгурган.