«Касперский лабораторияси» раҳбари «Касперский» антивируслари асосчиси Евгений Касперский Австралияда бўлиб ўтган конференция давомида қурилмалар ичида Windows операцион тизимида (ва Windows Phone) ишлайдиганлари яхши ҳимояланганини таъкидлаб ўтди. Бу ҳақда IT Wire нашри хабар тарқатди.

«Windows — бошқа операцион тизимларига (iOS, OS X ва Android) қараганда энг яхшиси. Яна Microsoft унинг янги версиясини кучайтирмоқда», — дея гапириб ўтди Касперский. Шунингдек у, Mac OS X ва iOS хакерларнинг асосий мақсадлари эканини ҳам қўшимча қилиб ўтди.

«Дастурловчиларга Windows учун чиқарилган вирусларни топиш Mac дастурловчиларига қараганда анча осон. Шунинг учун кўплаб таъмагирлар iOSга ҳужум қилади, унинг заиф ишланган томонлари кўп», — деди у. Касперский бугунги кунда дунёдаги киберҳужумларнинг 97%ини мобил қурилмалар орқали бўлишини ҳам таъкидлаб ўтди.