Парижнинг "ПСЖ" жамоаси хўжайини Носир Ал-Халайфий жамоанинг асосий ҳужумчиси Златан Иброҳимовичнинг келажаги бўйича фикр билдирди.
 
"Златан жамоамизнинг ўйинида муҳим ўринга эга, ўйинларда кўп нарсалар унга боғлиқ бўлади. Унинг ўзи буни билади ва у ҳали ҳеч кимга кетмоқчилигини айтгани йўқ. Агар у менинг олдимга келиб, "Милан"га қайтмоқчилигини айтса ва ўзини трансфер қилишимизни сўраса, унинг барча гапларини эшитаман. У мен билан дўстона муносабатда. Биз унинг иродасига қарши бормаймиз", дейди "ПСЖ" президенти
 
Бироз олдинроқ, Ибраҳимович “Милан” клубига ўтишга яқин тургани, унинг трансфер нархи 15 миллион еврони ташкил қилиши, ва швециялик ҳужумчи аллақачон бу борада “Милан” вице-президенти Адриано Галлиани билан музокаралар ўтказгани ҳақида хабарлар тарқалганди.