Ўзбекистон Олий Мажлиси Қонунчилик палатасида Демократик институтлар, нодавлат ташкилотлар ва фуқароларнинг ўзини ўзи бошқариш органлари қўмитасининг "Бола ҳуқуқлари тўғрисида"ги Конвенция ҳамда "Бола ҳуқуқларининг кафолатлари тўғрисида"ги Қонуннинг Тошкент шаҳридага ижроси юзасидан кенгайтирилган йиғилиши бўлиб ўтди.

Унда қайд этилганидек, бугунги кунда Тошкент шаҳрида 2 млн 376 минг 700 нафар аҳоли истиқомат қилади. Шундан 751 минг 360 нафарини вояга етмаганлар ташкил этади.

Тошкент шаҳар ҳокимлиги ҳузуридаги вояга етмаганлар ишлари бўйича шаҳар ва туман комиссиялари томонидан 2011-2014 йиллар давомида жами 1 минг 98 та комиссия йиғилишларида 2 минг 962 та ишлар кўриб чиқилган . Вояга етмаганларни қаровсизлиги ва назоратсизлиги, ҳуқуқбузарлик ва жамиятга қарши ҳаракатлар содир этишига сабаб бўлган ҳолатларни бартараф этиш учун 132 та тақдимнома киритилиб, бунинг натижасида 174 нафар шахслар интизомий жавобгарликка тортилган.