Туркиядаги парламент сайловларида ғалаба қозонган, аммо илгариги якка ҳукмрон мавқеидан маҳрум бўлган Адолат ва тараққиёт партиясининг етакчиси, мамлакат бош вазири Аҳмад Довудўғли коалицион ҳукумат таркибини тузишга тайёр эканлигини маълум қилди.

Сайлов якунларига кўра, партия 40.8 фоиз овозларни тўплай олган ва 258 депутатлик ўрнини банд этган. Аммо парламентда мутлақ кўпчиликни ташкил этмай қўйган партия эндиликда ҳукуматни ёлғиз шакллантира олмайди.

Сўл Халқ республикачи партияси 25 фоиз, миллиятчи Миллий ҳаракат партияси 16.4 фоиз, курдпараст Халқ демократик партияси 13.1 фоиз овоз тўпладилар. Биринчиси парламентда 132та, қолган иккитаси эса 80тадан ўринга эга бўлдилар.