12 июнь куни, Тошкент вақти билан соат 04:30 да Чили пойтахти Сантьяго шаҳридаги "Эстадио Насьонал`" ўйингоҳида 2015 йилги Америка кубогининг очилиш ўйини ўтказилди. Унда "А" гуруҳи фаворити бўлган мезбонлар Эквадорни синовдан ўтказди.
 
Ўйиннинг 67 дақиқасида Артуро Видаль ўзига ишлатилган қўполликдан кейин белгиланган 11 метрлик жарима зарбасини аниқ амалга оширди. 84 дақиқада эса Алексис Санчеснинг пасини Варгас голга айлантириб, ўйиндаги якуний 2:0 ҳисобини ўрнатди. Ўйин охирида 68 дақиқада захирадан Вальдивия ўрнига майдонга тушган чилилик футболчи Фернандес қизил карточка олиб майдонни тарк этди.
 
Бу ғалабадан кейин Чили "А" гуруҳида яққол етакчига айланди. Гуруҳнинг иккинчи ўйини 13 июнь кунига белгиланган ва унда Мексика термаси Эквадорга қарши майдонга тушади.
 

Чили: Клаудио Браво, Эухенио Мена, Маурисио Исла, Алексис Санчес, Артуро Видаль, Хорхе Вальдивия (Матиас Фернандес 68), Жан Босежур (Эдуардо Варгас 46), Гари Медель, Гонсало Хара, Чарлес Арангис (Давид Писарро 85), Марсело Диас

Эквадор: Алешандер Домингес, Фриксон Эрасо, Хуан Карлос Паредес, Кристиан Нобоа, Джефферсон Монтеро, Миллер Боланьос, Фидель Мартинес (Ренато Алекс Ибарра 79), Вальтер Айови, Эннер Валенсия, Осбальдо Ластра (Педро Киньонес 68), Габриэль Ачильер

Огоҳлантиришлар: Гонсало Хара 32, Матиас Фернандес 74, Матиас Фернандес 90+3 - Фидель Мартинес 24, Осбальдо Ластра 42
Четлатиш: Матиас Фернандес 90+3