Бокуга Европа ўйинларида иштирок этиш учун келган австриялик синхрон сузувчи Ванесса Сахинович автобус томонидан уриб юборилгандан кейин узоқ вақт давом этган операциядан кейин сунъий кома ҳолатига ўтказилди. Бу ҳақда Associated Press ахборот агентлиги хабар бермоқда.

Сахинович ётган шифохона матбуот котибининг айтишича, Сахинович кўп сонда жароҳатлар олган, унга яна бир операция талаб қилинади. Олинган жароҳатлар спортчининг ҳаётига хавф солмаяпти.

11 июнда Европа ўйинлари иштирокчиларини олиб юрган автобус Атлетлар қишлоғида уч нафар австриялик спортчини уриб юборган. Оқибатда синхрон сузувчилар Ванесса Сахинович, Луна Пайер ва Верена Брайт жароҳат олди. Улардан Сахинович энг оғир жароҳатлар олди.

Воқеадан кейин спортчи Венага юборилди, бу ерда 15 ёшли спортчи операция қилинди. Озарбайжон ҳукумати ушбу воқеа юзасидлан тергов бошлади.

Европа ўйинларининг очилиш маросими 12 июнда Бокуда бўлиб ўтади. Мусобақаларда 30 та спорт тури бўйича 253 та медаллар комплекти ўйналади. Ўйинлар 13-28 июнь кунлари бўлиб ўтади.