ФИФА президенти Йозеф Блаттер ўз ўрнини муддатидан олдин топширмайдиган бўлди.

11 июнь куни Европа парламенти уни ўз лавозимини зудлик билан президент вазифасини вақтинча бажарувчига топширишга даъват этганди.

11 июнь куни тегишли резолюцияга Европарламентнинг Страсбургдаги сессияси доирасида овоз берилган. 10 июнь куни ушбу резолюция лойиҳаси Европарламентнинг барча фракциялари томонидан имзоланган, ассамблея эса уни маъқуллаган.

Резолюция ФИФА раҳбари вазифасини вақтинча бажарувчини тайинлаш таклифи ҳамда 2018 ва 2022 йиллардаги жаҳон чемпионатларини ўтказиш учун аризалар бўйича тергов ўтказишга чақириқни ўз ичига олганди.

"ФИФА Европарламентнинг бу резолюциясидан ҳайрон бўлди. ФИФА президенти муддатидан олдинги сайловларгача ўз ўрнида қолади", дейилади ФИФА вакилига асосланган ҳолда Agence France-Presse нашри.

Эслатиб ўтамиз, 27 май куни АҚШ бош прокурори Лоретта Линч ФИФА коррупция можаросидаги олти айбланувчи 24 йил ичида жами 150 миллион доллар пора олганини маълум қилган эди. Ўша куни Цюрихда ФИФАнинг қатор амалдорлари қўлга олинган бўлиб, ҳозирда АҚШга экстрадициясини кутмоқда. Бу можаролардан кейин Йозеф Блаттер бешинчи муддатда президентлигини давом эттирмаслигини маълум қилган.

Ташкилот раҳбарлиги учун муддатидан олдин сайловлар шу йилнинг 16 декабрида ўтказилади.