Ҳиндистонда мамлакатнинг ўз кучлари билан қурилган илк авианосеци сувга туширилди, деб хабар бермоқда The Times of India нашри. “Викрант” номли ушбу авианосец Кочинадаги верф докидан чиқарилди ва завод причали деворига сувда турган ҳолда қуриш ишларини якунлаш учун тираб қўйилди.

Кема синовдан ўтказиш учун денгизга 2016 йилнинг охирида чиқарилиши, тўлиқ қурилиши эса 2018 йилга якунланиши режалаштирилган. Кема шу йилнинг ўзида флотга топширилиши керак, бироқ баъзи мутахассислар кема бу муддатга топширилишига шубҳа билан қарашмоқда ва кема Ҳиндистон Ҳарбий-денгиз кучлари таркибига 2020 йилгача киритилмаслигини таъкидлашмоқда. “Викрант” Ҳиндистонга 1985 йилда Британия томонидан сотилган собиқ “Гермес”, ҳозирда “Вираат” номли, 1959 йилда қурилган авианосец ўрнини эгаллайди.

Авианосец Россиянинг “Невский проектно-конструкторский бюро”си ва Италиянинг Fincantieri кемасозлик уюшмаси лойиҳаси бўйича қурилган. “Викрант”нинг узунлиги 262 метр, энг катта кенглиги 60 метр, сув сиғими 37,5 минг тоннани ташкил қилади. Газ-турбинали двигатель кемага 28 узел (52 км) тезлик билан ҳаракатланишга имкон беради. Кема аэрофинишёр ёрдамида бурчакли палубага самолётларнинг трамплин усулида кўтарилиши ва қўнишини кўзда тутувчи STOBAR (Short Take-Off But Arrested Recovery) схемасидан фойдаланади. Кеманинг авиацион-техник воситалари Россия томонидан ишлаб чиқарилган.

Кеманинг авиагуруҳи сони 30-34 та учиш қурилмасидан ташкил топиб, унинг таркибига Россиянинг МиГ-29К/КУБ, Ҳиндистоннинг Naval Tejas самолётлари, радиолокацион кузатув вертолётлари Ка-31 ва турли типдаги қайиққа қарши вертолётлар киради. Лойиҳа бўйича авианосецнинг қуролланиши Исроилда ишлаб чиқарилган Barak-8 зенит-ракета мажмуаси ва Россиянинг АК-360 зенит автоматларидан ташкил топиши керак.