"Порту" ҳужумчиси Жексон Мартинес 12 июнь куни ўзининг кейинги фаолияти борасида якуний қарор қабул қилиши кутилмоқда.

Колумбия терма жамоасининг 28 ёшли футболчисига «Милан», «МЮ» ва «Манчестер Сити» даъвогарлик қилмоқда. Мартинес улардан қайси бирини танлаш борасида иккиланмоқда. Ўз навбатида "Милан" клуби ҳужумчига катта умид боғлаган ва гарчи Манчестер шаҳрининг икки клуби кўпроқ маош таклиф қилаётган бўлса ҳам, унинг Миланга келишидан умидвор.

Маълумот учун, "Порту" Мартинеснинг трансфер нархини 35 миллион евро қилиб белгилаган. Португалияда ўтказган уч мавсуми давомида ички биринчиликда 90та ўйинда майдонга тушган ҳужумчи 67та гол урган ва 9та голли узатмани амалга оширган.