Навоий меҳнат биржасининг одамларни пул эвазига ишга жойлаган ходими 7 йилга қамалди

Жамият 12 Июнь 2015 985

Навоий вилояти Учқудуқ тумани Бандликка кўмаклашиш ва аҳолини ижтимоий муҳофаза қилиш марказида давлат меҳнат ҳуқуқи инспектори лавозимида ишлаган Музаффар Рашидов порахўрликда айбланиб, 7 йилга озодликдан маҳрум қилинди. Бу ҳақда “Ҳуқуқ” газетаси хабар бермоқда.
Ёзилишича, у марказга иш сўраб келган фуқаролардан пул ундирган. Жумладан, фуқаро Миржамол Эргашевдан коммунал соҳага ишга киритиб қўйиш учун 1.5 млн сўм сўраган. Яқинда коллежни битирган Эргашев “савдо”лашиб, тўловни 1.3 млн сўмга туширган. Аммо у амалдорнинг тамагирлиги ҳақида тегишли ташкилотларга хабар қилган. Натижада Рашидов жиноят устида қўлга олинган.

Кўпроқ янгиликлар