Ўзбекистон Халқаро регби иттифоқи рейтингида тўрт поғонага кўтарилиб, 86-ўринни эгаллади.
Рейтингда етакчи ўринларни Янги Зеландия, ЖАР ва Ирландия эгаллаб турибди.
Ўзбекистон эркаклар терма жамоасининг Осиё чемпионатида Ҳиндистон устидан қозонган ғалабаси ушбу кўтарилишни таъминлади. Осиё чемпионати 27-30 май кунлари Тошкент вилоятида ўтказилди.
Халқаро регби иттифоқи (World Rugby) 120 мамлакатни бирлаштириб, улардан 102 нафари иттифоқнинг тўлақонли аъзоси, 18 нафари эса уйғунлашган аъзолар ҳисобланади. Ўзбекистон 2014 йил майида иттифоқнинг тўлақонли аъзосига айланди.