Одесса вилояти губернатори, собиқ Грузия президенти Михаил Саакашвили Украинада яқинда ташкил этилажак давлат корхоналарини ислоҳ қилиш назорат кенгашига раҳбарлик қилади. Бу ҳақда РИА Новости мухбирига иқтисодий тараққиёт ва савдо вазири Айварас Абрамавичус маълум қилди.
“Биз ислоҳотлар назорат кенгашини яратмоқдамиз. Унда улкан тажрибага эга экспертлар гуруҳи ишлайди. Улар Украинани билади, мамлакат олдида турган вазифаларни яхши англайди, ислоҳотлар муваффақияти учун ишлашга тайёр”, – деди вазир.
Кенгаш давлат корхоналарини ислоҳ қилиш жараёнининг самарадорлиги устидан назоратни амалга оширади. Янги орган, шунингдек, бошқарув структурасини ислоҳ қилишни, хусусийлаштириш ва аудит ишлари амалга оширишни ўз зиммасига олади.
Кенгаш ишига хорижий мутахассислар ҳам жалб қилинади. Таъкидланишича, Саакашвили кенгаш фаолиятида коррупцияга қарши курашга биринчи даражали эътибор қаратади.