Ўзбекистондаги энг йирик титаномагнетик рудалар кони бўлмиш Тебинбулоқда (Қорақалпоғистоннинг Қораўзак туманида жойлашган) иш олиб бориш технологиялари устида олиб борилган ишланмалар якунига етмоқда. Коннинг захиралари 3 млрд тоннани ташкил қилади.
Таъкидланишича, кондаги рудалар таркибида, темирдан ташқари, бошқа минерал компонентлар ҳам мавжуд бўлиб, улар мавжуд технологияларни қўллашни бироз чеклайди.

Uzbekistan Today нашрининг ёзишича, мавжуд лойиҳага кўра Тебинбулоқдан йилига 22 млн тонна руда қазиб олинади; шунингдек, лойиҳа 65 фоизли темир руда концентратини бойитиш комбинатининг ҳамда йилига 1.5 млн чўян ишлаб чиқарувчи металлургик комплекс қурилишини кўзда тутади. Янги кон захираларининг қайта ишланишига Ўзбекистонга ўз хом ашёсидан пўлат қуйиш имконини беради.

“Ўзметкомбинат” акциядорлик жамияти инвестициялар бўлими бошлиғи Наримон Умаровнинг сўзларига қараганда, Финландиянинг Outotec компанияси конда ишлаш технологиясини ишлаб чиқмоқда.
Илгари Тошкент вилоятида жойлашган Сўринота, Жиззах вилоятидаги Чимқўрғон конлари энг йирик руда манбалари ҳисобланарди. Аммо Тебинбулоқ захиралари уларникидан анча кўп.