Буюк Британияда 103 ёшли Жорж Кирби ва 91 ёшли Дорин Лаки турмуш қурдилар ва дунёдаги энг кекса келин-куёвларга айландилар, деб хабар бермоқда Вести.ру.

Жорж ва Дорин франциялик жуфтликнинг рекордини янгиладилар, франциялик жуфтлик турмуш қуришидан олдин иккилари учун биргаликда 191 йил ҳаёт кечирган эдилар. Британиялик жуфтликнинг ёши йиғиндиси 194 йилни – франциялик жуфтликникидан 3 йил кўпроқни ташкил қилди.

Жуфтлик 1988 йилдан бери бирга яшаб келган, бироқ эндигина ўз муносабатларини қонунийлаштиришга қарор қилди. “Бизлар аввал никоҳ қуриш ҳақида ўйламасдик ҳам, бироқ оқибатда турмуш қуришга қарор қилдик”, деб айтмоқда келин.

Британия ОАВларининг маълумотларига кўра, Кирби ўзининг севгилисига шу йили, авлиё Валентин кунида турмушга чиқишни таклиф қилган ва унинг айтишича, у буни “қайта туролмаслигидан чўчиб” бир тиззага чўккаламаган ҳолда қилишга қарор қилган.