Озарбойжон пойтахти Боку шаҳрида Европа ўйинларида иштирок этиш учун ташриф буюрган австрияликлар жамоасидаги 3 нафар спортчини автобусда уриб юборган ҳайдовчи қамоққа олинди. Бу ҳақда Озарбойжон ИИВ матбуот хизматида хабар берилди.

"Вазият юзасидан олиб борилган текширув ишлари давомида ООО Bakubus автобусларидан бирининг ҳайдовчиси ҳибсга олинди. У ўз соҳасида зарур кўникмага эга бўлмаган ва вазифасини бажара олмаган", дейилади хабарда.

Айни вақтда унга нисбатан "Йўлда ҳаракатланиш ва транспорт воситасини бошқаришда қоида бузиш" моддаси бўйича жиноий иш очилган.

Эслатиб ўтамиз, 11 июнь куни Бокуда 3 нафар австриялик спортчини автобус уриб кетган, улардан икки нафари оғир жароҳатлари туфайли шошилинч равишда Австрияга олиб кетилганди.