Буюк Британия бюджет жавобгарлиги бошқармаси (OBR) баҳолашича, кейинги 50 йил ичида аҳолининг кексайиши оқибатида мамлакатда давлат қарзи ҳажми ошиши ҳамда мамлакат бюджети дефицити каби жиддий муаммолар бошланади.

Буюк Британия бюджет жавобгарлиги бошқармаси 2065 йилгача Британия иқтисодиёти фискал кўрсаткичлари ривожланишининг бир неча сценарийлари акс этган ҳисоботни чоп этди. Асосий сценарий ўз ичига Туманли Альбион давлат молияси аҳволининг сезиларли ёмонлашишини ўз ичига олади.

Ҳисоботда охирги 50 йил ичида Британия аҳолиси тузилиши эволюцияси таъкидлаб ўтилган ҳамда кейинги 50 йил ичида, хусусан 85 ёш ва ундан катта одамлар сонининг бошқа ёш тоифаларига нисбатан қўшимча кўпайиши ҳисобга олинган ҳолда рўй берадиган ўзгаришлар прогноз қилинди. Айнан узоқ муддатли истиқболда аҳолининг кексайиши Буюк Британия давлат молиясининг аҳволига энг сезиларли таъсир кўрсатади.

OBR нинг асосий прогнози давлат харажатларининг ошишини ўз ичига олади. Бюджет жавобгарлиги бошқармасида маълум босқичда сарф-харажатлар Британия бюджети даромадларидан сезиларли равишда ошишни бошлаши айтилмоқда.

Экспертларнинг прогнозларига кўра, Британия иқтисодиёти вақти келганда бюджетнинг доимий дефицити: 2019–2020 йиллардаги ЯИМнинг 2,1 фоиз профицити томондан 2064-2065 йиллардаги ЯИМнинг 1,9 фоизли бюджет дефицити томонга сурилади. OBR да бу молиявий ёмонлашишни Британия фиксал кўрсаткичларида 76 млрд фунт стерлингга баҳоладилар. Таҳлилчиларнинг фикрича, британ иқтисодиётида бюджет дефицити пайдо бўлишидан ташқари аҳолининг қариши ортида мамлакат соф давлат қарзи кўрсаткичи сезиларли ортади.