«Манчестер Юнайтед» клуби Англия терма жамоаси ва “Тоттенхэм” клубининг ҳужумчиси Харри Кейн учун 77 млн доллар таклиф қилишни режалаштирмоқда.

Manchester Evening News порталининг хабар беришича, яқин кунларда манкунианликлар вакиллари “Шпор”ларнинг президенти Даниэл Леви билан учрашишни режалаштирмоқдалар.

Ўтган мавсум мобайнида Кейн 31 та тўп, улардан 21 тасини Англия премьер-лигасида урди. Бундай натижалар унга чемпионатнинг 2-рақамли тўпурари бўлишига имкон берди. Кейн “Тоттенхэм” сафида 2010 йилдан бери тўп суриб келади. У 4 маротаба “Лейтон Ориент”, “Миллуолл”, “Норвич Сити” ва “Лестер Сити” клубларига ижарага берилган.

21 ёшли ҳужумчи Англия терма жамоасида ўйнашга ҳам улгурди. Унинг ҳисобида терма жамоа сафида 2 та ўйин ва битта гол бор. Кейн “Тоттенхэм” сафида 42 та ўйинда майдонга тушиб, 23 та тўп урган.

Кейн икки марта АПЛда ойнинг энг яхши ўйинчиси деб тан олинган ҳамда мавсум якунларига кўра АПЛнинг энг яхши ёш ўйинчиси деб топилган.