Microsoft компанияси катта экранга эга бўлган Surface Hub осма планшетини тақдим этиб, унинг нархини маълум қилди. Surface Hub офисдаги мажлисларда ишлатиш учун мўлжалланган.

Моделларнинг бири 1920х1080 пикселга эга 55 дюймли, яна бири 84 дюймли 4К-экранга (3840х2160 пиксел) эга. Қурилмалар бир вақтнинг ўзида 100тагача бармоқ таъсири ва электрон қаламчаларнинг таъсирини сезади. Икки компьютер ҳам Intel Core i7 процессорида ишлайди ҳамда уларга Wi-Fi, NFC симсиз алоқа, камера ва HDMI ва USB порти билан жиҳозлаган. Улар компаниялардаги кундалик вазифаларни бажариш учун мўлжалланган Windows 10 платформасида ишлайди. Ундан Skype орқали видеомулоқот ўтказиш мумкин бўлади.

Кичик планшетнинг нархи 7 минг доллар , каттаси эса 20 минг долларга баҳоланган.

Surface Hub 2015 йилнинг сентябрь ойида сотувга чиқарилади. Microsoft осма планшетлар учун 1 июлдан буюртма олишни бошлайди.