Швециянинг Гётеборг шаҳридаги йўллардан бирида автомобил портлаб кетди. Натижада автомобил ичида бўлган 4 йўловчи ҳалок бўлган. Бу ҳақда Local нашри хабар берди.

Йўловчиларнинг бири ҳали мактаб ёшига етмаган қизалоқ бўлгани айтилмоқда.

Қайд этилишича, бу машинадагилар шаҳар ташқарисига балиқ ови учун кетаётган бўлишган ва машина чорраҳада тўхтаб турганида портлаб кетган.

Қурбон бўлганларнинг қариндошлари айтишича, машинага оила бошлиғининг душманлари бомба ўрнатган бўлиши мумкин.

Айни вақтда полиция ходимлари ҳодиса сабабларини ўрганишмоқда.