”Астана ЭКСПО-2017” компаниясида бюджет маблағларидан фойдаланишни ва қурилишга жалб қилинган инвесторларнинг пулларини текшириш бўйича катта миқёсдаги текширув бошланди.

Остона шаҳри Олма-ота туманининг 2-сонли туман суди қарори билан “Астана ЭКСПО-2017” миллий компанияси бошқарувининг собиқ раиси Талгат Ермегияев 2 ой муддатга уй қамоғига жойлаштирилди, деб хабар бермоқда КазТАГ.

Аввалроқ хабар берилганидек, Остонада “Астана Экспо – 2017” компаниясининг қурилиш департаментининг собиқ директори Хожимурод Усенов қўлга олиниб, уй қамоғига жойлаштирилган эди. Кейинроқ Қозоғистон президентининг буйруғи билан компания бошқарув раиси Талгат Ермегияев ўз лавозимидан озод этилган.

Бундан ташқари, компанияда бюджет маблағлариндан фойдаланиш, қурилишга жалб қилинган инвесторлар пуллари, жумладан, тендерларни ташкил қилиш тартиботларига риоя қилиш, у ёки бу ишларни бажариш учун рухсатноманинг мавжудлиги, техник спецификацияга мос келиш, малакали ходимларнинг мавжудлиги, қўлланган материаллар нархи ва хизматлар тўловини катта миқёсда текшириш бошланган.