Жанубий Кореяда MERS коронавируси билан касалланишнинг яна 7 та янги ҳолати аниқланди, деб хабар бермоқда Ренхап агентлиги.

Мамлакатда ушбу вирусдан касалланганларнинг умумий сони 145 нафарга етди. Вирусдан ўлганлар 14 кишини ташкил қилмоқда.

3,8 мингга яқин киши касалланиш хавфи туфайли карантин тартибига риоя қилиш бўйича тавсия олдилар.

Коронавирус болалар ва ўсмирлар орасида тарқалиши хавфи сабабли 2,2 мингга яқин таълим муассасаси ёпиб қўйилди.

Аввалроқ Братиславада Жанубий Корея фуқароси MERS коронавирусига гумон қилиниб, шифохонага ётқазилганлиги маълум қилинганди.