Ёшлар ўртасида (U-20) 2015 йилги жаҳон чемпионати нимчорак финали баҳсида Мали Германия устидан пенальтилар бўйича 4:3 ҳисобида ғалаба қозонди. Учрашувнинг асосий вақти 1:1 ҳисобида якунланди. Қўшимча таймларда дарвозалар дахлсиз қолди ва ўйин тақдири пенальтилар сериясида ҳал бўлди.
Бразилия ва Португалия ўртасидаги яна бир нимчорак финалида ҳам ўйин тақдири ўйиндан кейинги пенальтилар сериясида Бразилия ҳисобига ҳал бўлди. Учрашувнинг асосий ва қўшимча вақтларида ҳеч қайси жамоа тўп кирита олмади.

Шу тариқа, Мали ва Бразилия терма жамоалари чемпионатнинг яримфинал босқичига йўл олган илк жамоалар бўлдилар.

Яримфиналга қолган икки йўлланма учун Ўзбекистон Сенегал билан, АҚШ Сербия билан кураш олиб борадилар.

ЧМ-2015 (U-20)

1/4 финал учрашувлари

Мали U-20 – Германия U-20 1:1 (0:1, 1:0, 0:0, 0:0), пенальтилар бўйича - 4:3
Голлар:
0:1 – 38 Брандт, 1:1 – 58 Кулибали.

Бразилия U-20 – Португалия U-20 0:0 (0:0, 0:0, 0:0, 0:0), пенальтилар бўйича - 3:1