Apple компанияси кузда iPod Touch мусиқа плеери янги авлоди вакили iPod Touch 6G ни намойиш қилиши мумкин. Бу ҳақда Master Herald портали хабар бермоқда.

Янги қурилманинг чиқарилиши ҳақида гаплар биринчи марта бутунжаҳон ишлаб чиқарувчилар анжумани WWDC`да пайдо бўлган эди. Нашрнинг таъкидлашича, эҳтимол қурилма 1 Гб тезкор хотира ва 128 Гб ли MicroSD картасини ишлатиш имконияти мавжуд бўлган 5-авлод iPod Touch`нинг iPhone билан қоришмаси бўлади.

Бундан ташқари, iPod Touch`нинг янги модели ўзидан олдин чиқарилган қурилмалардан ингичкароқ бўлиши керак. Экспертларнинг фикрича, янги авлод плеерлари iPhone 6S смартфони билан биргаликда намойиш этилади.