Гулистонда сизот сувлар даражасини пасайтириш бўйича ишлар бошланди

Ўзбекистон 15 Июнь 2015 1123

“Гулистон шаҳри дренаж тизимини такомиллаштириш, мелиоратив ҳолатини яхшилаш ва сизот сувлари даржасини тушириш” ишчи гуруҳи томонидан шаҳардаги сувларнинг даражаси ва дренаж тизими аҳволи ўрганиб чиқилмоқда.
Ўзбекистон молия вазирлиги матбуот хизмати маълумотларига қараганда, мелиоратив яхшилаш жамғармаси маблағлари ҳисобидан шаҳар атрофидаги коллектор-дренаж тармоқларида таъмирлаш ишлари олиб борилмоқда. Ишларга 60 дона қўшимча замонавий мелиоратив техник жалб қилинган.
Эслатиб ўтамиз, давлат раҳбарининг “2015-2019 йилларда Гулистон шаҳри дренаж тизимини такомиллаштириш, мелиоратив ҳолатини яхшилаш ва сизот сувлари даржасини тушириш, муҳандислик-коммуникацион ва ижтимоий инфраструктурани ривожлантириш ишларини янада такомиллаштириш бўйича дастур ишлаб чиқиш тўғрисида”ги қарор билан бош вазир Шавкат Мирзиёев бошчилигидаги республика комиссия таркиби тасдиқланган эди. Дастурда, хусусан, илмий гидрологик тадқиқотлар ўтказиш ва улар асосида барча инфраструктурани таъмирлаш ҳамда такомиллаштириш бўйича комплекс чора-тадбирлар кўзда тутилган бўлиши лозим.

Кўпроқ янгиликлар