Италиялик ошпазлар дунёдаги энг узун пиццани тайёрлашди, деб хабар бермоқда The Local.it. Таом Ренде шаҳрида 16 соат давомида тайёрланди. Пиццанинг узунлиги 1,2 км ни ташкил этди.

Пиццани пишириш учун махсус печдан фойдаланилди. Пиццанинг бир қисми тайёр бўлганда уни столга чиқариб қўйишди ва кейинги пишмаган қисмини печга киритишиб, шу тариқа қисм-қисмлаб пиширишди. Рекорд натижани кузатиш учун 60 мингга яқин одам келди. Улардан баъзилари ошпазларга ёрдамлашишди.

Бу борадаги аввалги рекорд испаниялик ошпазларга тегишли эди: 2011 йилда улар 1,14 км лик пицца тайёрлашган. Италиялик ошпазлар нафақат рекорд ўрнатишди, балки Ренделик ногиронлар ва кексалар учун автобусга пул йиғишга муваффақ бўлишди.