Кувайт собиқ бош вазири шайх Носир ал-Муҳаммад ал-Аҳмад ас-Сабоҳ «Жаҳон» ахборот агентлигига берган интервюси чоғида Ўзбекистонда амалга оширилаётган ислоҳотлар, Ўзбекистон-Кувайт муносабатлари истиқболлари ҳамда ўзбек халқининг бой маданий ва маънавий мероси ҳақида ўз фикр-мулоҳазаларини ўртоқлашди.

«Аввало Президент Ислом Каримовни Давлат раҳбари лавозимига қайта сайлангани Кувайтда катта мамнуният билан қарши олинганини таъкидлаб ўтмоқчиман. Ўзбек халқи одилона қарор қабул қилгани ҳолда мамлакатнинг порлоқ келажаги, тинчлик ва барқарорлик учун овоз берди».

«Юртингизда амалга оширилаётган демократик ва ижтмоий-иқтисодий ислоҳотлар жамиятни барқарор ва босқичма-босқич ривожлантиришга қаратилган. Марказий Осиёда тинчлик ва барқарорликни таъминлашда, шунингдек, ҳудудий муаммоларни ҳал қилишда Ўзбекистоннинг муҳим ролини яхши англаймиз ва унга юксак баҳо берамиз».

«Мамлакатларимиз раҳбарлари ўртасидаги дўстона ва самимий муносабатлар турли соҳаларда икки томонлама ҳамкорликни ривожланишига сабаб бўлди деб ўйлайман. Шу ўринда, Ўзбекистоннинг улкан иқтисодий ва сайёҳлик салоҳияти ҳамда Кувайтнинг сармоявий ва молиявий имкониятларини ҳисобга олган ҳолда икки давлат ўртасидаги савдо-иқтисодий алоқаларни янада фаоллаштириш истиқболи мавжуд эканини эътироф этмоқчиман».

«Халқингизнинг бой тарихий, маданий ва маънавий мероси бутун инсоният учун улкан қадрият ҳисобланади. Ўзбекистон диёри жаҳон тамаддунига беқиёс ҳисса қўшган», дея Шайҳ Носир ал-Муҳаммад ал-Аҳмад ас-Сабоҳнинг сўзларидан иқтибос келтирмоқда «Жаҳон» ахборот агентлиги.