Ўзбекистон фуқароси Россиянинг Калининград ўлкасига ноқонуний равишда 1.5 тонна чўчқа гўшти олиб киришга ҳаракат қилди. Айтилишича, у Польшадан Fiat Dukato автомашинасида қайтаётганида “Багратионовск” постида тўхтатиб қолинган.
Калининград.Ru ресурсининг ўлка божхонаси матбуот хизматига таянган ҳолда хабар қилишича, у декларация тўлдирмаган. Божхоначилар юк қисмида шубҳали тўсиқлар борлигини пайқашган. Унда умумий ҳажми 1.5 тоннани ташкил қиладиган 765 пакет музлатилаган чўчқа гўшти бўлаги топилган.
Товар мусодара қилинган. Воқеа юзасидан иш қўзғатилган.